Әлем чемпионаты алдында Қазақстан құрамасы сапында өзгеріс болды

Латвияда өтетін хоккейден әлем чемпионатының алдында Қазақстан құрамасына екі ойыншы келіп қосылды, деп хабарлайды Prosports.kz.

Қарағандылық «Сарыарқа» ойыншылары Михаил Рахманов пен Александр Писарев құрама қатарына қосылды. Бұға себеп, Александр Борисевич пен Владислав Никулин жарақатына байланысты әлем чемпионатында ойнай алмайтыны белгілі болды.

Айта кетейік, хоккейден әлем чемпионаты Ригада 21 мамыр мен 6 маусым аралығында өтеді.