Хоккейден Қазақстан чемпионатының үздік ойыншылары анықталды

Хоккейден Қазақстан чемпионатының үздік спортшылары белгілі болды. Бұл туралы Қазақстан хоккей федерациясының баспасөз қызметі мәлім етті, деп хабарлайды Prosports.kz.

Чемпионаттың үздік қақпашысы атағын Илья Румянцев («Арлан») алды. Ал үздік қорғаушы болып Эдгарс Сиксна («Сарыарқа») танылды.

Үздік шабуылшы – Вадим Бердников («Арлан»).

Үздік жас ойыншы – Иван Зинченко («Ақтөбе»/«Бейбарыс»).

Биылғы Қазақстан чемпионатында қарағандылық «Сарыарқа» клубы топ жарған болатын.