Ресми: Магомед Адиев «Шахтерді» тізгіндеді

Ресейлік маман Магомед Адиев Қарағандының «Шахтер» клубын жаттықырды. Бұл туралы клубтың өзі ресми хабарлады.

43 жастағы маман «Нижний Новгород», «Ахмат» (Грозный), «Анжи» (Махачкала) және «Чайка» (Песчанокопское) командаларын жаттықтырған.

Ол жақында қызметінен кеткен Әли Әлиевтің орнына келді.

Айта кетейік, «Шахтер» Қазақстан чемпионатының бес турынан кейін бірде-бір ұпай ала алмай, турнирлік кестеде соңғы орынға жайғасқан.