Манджукич «Милан» сапына ауысты

«Милан» шабуылшы Марио Манджукичпен келісімшартқа отырғанын жариялады.

34 жастағы хорват маусымның соңына дейін келісімшартқа отырды. Оған сәйкес, тараптар тағы бір жылға ұзарта алады.

Футболшы «Россонери» сапында тоғызыншы нөмірде ойнайды.

Естеріңізге сала кетейік, Манджукичтің соңғы клубы «Аль-Духаил» болған. Катарлық клуб сапында футболшы бес матч қана өткізді.