Қазақстандық боксшы Рио Олимпиадасының жүлдегеріне қарсы жекпе-жек өткізеді

Қазақстандық боксшы Ержан Зәлілов мансабындағы келесі жекпе-жегін Ресейде өткізеді, деп хабарлайды Prosports.kz сайты.

«Ракета» лақап атымен танымал қазақстандық боксшы 23 қаңтарда Екатеринбургтегі RCC Boxing Promotions кешінде шаршы алаңға шығады. Оның қарсыласы Рио-Де-Жанейро Олимпиадасының қола жүлдегері Владимир Никитин (4-1) болмақ.

Естеріңізге сала кетейік, Ержан Зәлілов кейінге жекпе-жегінде ресейлік Евгений Ляшковтен төрешілердің бірауыздан қабылдаған шешімімен жеңілі тапты.