Талғат Шәйкеннің кезекті жекпе-жегі қашан өтеді

Қазақстандық боксшы Талғат Шәйкен (2-0, 1КО) кезекті жекпе-жегін 18 желтоқсанда Алматыда өткізеді, деп хабарлайды Prosports.kz МТК Kazakhstan компаниясының Instagram-дағы парақшасына сілтеме жасап.

Оның қарсыласы - ресейлік Максим Чурбанов (8-7-1). Жекпе-жек MTK Kazakhstan және Tukeshov Boxing Promotions-тың ұйымдастыратын бокс кеші аясында өтеді. Сол күні кешке Сұлтан Зәуірбек пен Қамшыбек Қоңқабаев жұдырықтасады.

Шәйкен рингке соңғы рет 23 қазанда шыққан. Содан кейін ол бірінші айналымда Бахром Паязовты жеңді.