Ресми: «Арсенал» - «Рапид» матчын жанкүйерлер алаңнан тамашалайды

Еуропа лигасының топтық кезеңі аясында өтетін «Арсенал» - «Рапид» матчын көрермендер алаңнан тамашалай алады, деп жазады Prosports.kz.

Бұл туралы лондондық клубтың ресми сайты хабарлады. 

Клубтың ресми хабарламасында жазылуынша, 3 желтоқсанда Лондонда өтетін ойынға екі мың жанкүйердің кіруіне рұқсат берілді.

Айта кетейік, коронавирус пандемиясына байланысты әлем футболы жанкүйерсіз өтіп жатыр. «Арсеналдың» өз алаңында көрермендердің қатысуымен өткен соңғы матч шамамен тоғыз ай бұрын болған.