Шетелдік БАҚ: Рахмонов ММА-дегі Головкин атанады

Fightingdna басылымы UFC-дегі дебютін сәтті өткізген Шавкат Рахмонов ММА-дегі Геннадий Головкин атанады деп жазды.

«Шавкат Рахмонов аңыз Дональд Серронені жеңсе ғана UFC-де, жартылай орта салмақта беделі көтеріледі. Бұл Қазақстан ММА-ның дамып жатқанын көрсетіп, одан да басқа болашағы зор спортшылар келеді. Шавкат Рахмонов Қазақстан құрамасының көшін бастап, ММА-дегі Геннадий Головкин атанады», - деп жазды басылым.

Естеріңізде болса, Шавкат Рахмонов UFC-дегі алғашқы жекпе-жегінде тәжірибелі бразилиялық файтер Алекс Оливейраны жеңген. Енді ол америкалық Дональд Серронемен жекпе-жек өткізуге ниет білдірді.