«Каспийге» жаңа бас бапкер тағайындалды

Ақтаулық «Каспий» баскетбол клубының негізгі командасына жаңа бас бапкер тағайындалды, деп жазады Prosports.kz.

Бұл туралы клубтың баспасөз қызметі хабарлады.

Маңғыстау облысы командасының тізгінін ресейлік маман Михаил Карпенко ұстады. Бұл маман «Каспийді» 2014-2017 жылдар аралығында жаттықтырған болатын. Оның басшылығымен ақтаулар екі рет Қазақстан чемпионатының қола жүлдегері атанған.

Карпенко 2019/2020 жылғы маусымда екатеринбургтік «Урал» командасының бас бапкері болды.