АСА 110 турниріне көрерменнің келуіне рұқсат берілді
ACA ұйымының президенті Алексей Яценко «Баскет Холл Москва» аренасында өтетін 110 турнирге көрерменнің келуіне рұқсат етілгенін хабарлады.
– Мәскеудегі АСА 110 турнирі 5 қыркүйек күні «Баскет Холл Москва» аренасында көрермендердің қатысуымен өтеді. Алайда келетін көрермендердің саны шектеулі болмақ, - деді Яценко.
Турнирдің басты жекпе-жегі орта салмақ дәрежесіндегі Али Багов пен Мурад Абдулаев арасында өтеді. Баговтың еншісінде 29 жеңіс пен 10 жеңіліс бар. Абдуллаев 18 жеңіс пен 4 жеңіліске ие болған. Турнирдің тағы бір негізгі кездесуі Эдуард Вартанян пен Мухамед Коков арасында өтпек.
Көрермендер саны шектеулі болады. Билеттер 27 тамызда сатылымға түседі.
ACA 110 турнирінің карды:
Али Багов — Мурад Абдулаев
Эдуард Вартанян — Мухамед Коков
Нурсултан Касымханов — Алихан Сулейманов
Курбан Тайгибов — Рамазан Кишев
Жарабек Тешебаев — Асхаб Зулаев.