Агапова UFC-дегі үшінші жекпе-жегінде кіммен кездескісі келетінін айтты

Қазақстандық файтер Мария Агапова <span>(9-1)</span><span> UFC Vegas 7 турнирі қарсаңында өткен виртуалды баспасөз мәслихатына қатысты</span>, деп жазады Prosports.kz.

Отандасымыз әлемдегі жетекші MMA промоушені аясындағы үшінші жекпе-жегінде кіммен жұдырықтасқысы келетінін айтты.

«Мен Трейси Кортеспен тағы бір кездесуді қалаймын, өйткені ол мені жеңген жалғыз спортшы. Көптеген жанкүйер онымен реванш өткізгенімді қалайды», - деді Агапова.

Америкалық Трейси Кортес Мария Агапованы 2019 жылдың 30 шілдесінде өткен Dana White's Contender Series турнирінде жеңген болатын. 

<span>Айта кетейік, Мария Агапова 13 шілдеде UFC-дегі дебютін сәтті өткізіп, америкалық Ханна Сайферсті бірінші раундта жеңген болатын. </span>

22 тамыз күні Лас-Вегаста қазақстандық спортшы<span> </span>екінші кездесуін өткізеді. Қарсыласы - АҚШ файтері Шана Добсон.