НБА маусымы Хьюстонда жалғасуы мүмкін

Ұлттық баскетбол қауымдастығы маусымның қалған бөлігін Хьюстонда (АҚШ) жалғастыруды жоспарлап отыр, деп жазады Prosports.kz.

Дереккөздің хабарлауынша, НБА ойындарын Toyota Center және George R. Brown Convention Center ареналарында өткізбекші.

Техаста мамыр айының соңында спорттық іс-шараларға рұқсат етіледі. Бұған дейін НБА маусымы Орландода немесе Лас-Вегаста қайта жалғасуы мүмкін деп хабарланған болатын.

Айта кетейік, Ұлттық баскетбол қауымдастығының маусымы наурыздың ортасында тоқтатылған болатын.