Италия құрамасының экс бапкері: Марсқа зонд ұшыра аламыз, бірақ вакцина жасай алмаймыз

Италия құрамасының экс-бас бапкері Марчелло Липпи А сериясының неге қайта жалғаспайтынына наразылық білдірді, деп хабарлайды Prosports.kz.

«Қазіргі жағдай мені қатты мазалайды. Күнде бәріміз бірге болуымыз керек деген ұранды естиміз, бірақ содан кейін әркім өз қалағанын жасайды, оның ішінде ғалымдар мен саясаткерлер де бар.

Қазір 2020 жыл, біз Марсқа зонд жібере аламыз, алайда коронавирусқа қарсы вакцина жасай алмаймыз ба? Неліктен футбол қайта жалғасын таппайды? Осыдан екі ай бұрын нағыз цунами соққандай еді, қазір басылды. Қазір вирус онша күшті емес, ауруханалар да жұмыстарын жақсы ұйымдастыра алады», - деді Липпи.