Зайнутдинов, Қуат және Бахтияров 21 маусымда жасыл алаңға оралады
Футболдан Ресей чемпионаты 21 маусым күні қайта жалғасады, деп хабарлайды Prosports.kz.
Бұл шешім бүгін өткен Ресей Футбол Одағының отырысында қабылданды.
Ресей Премьер-лигасының ағымдағы маусымын қайта бастау немесе мерзімінен бұрын тоқтату туралы мәселе қаралған отырыс нәтижесіне сай, чемпионат 21 маусымда өз жалғасын табатын болды.
«Тинькофф РПЛ маусымы 21 маусымда қайта жалғасады. Командаларға бір матчта 5 ойыншы алмастыруға рұқсат етіледі. Ал Олимп-ФНЛ мен Олимп-ПФЛ 17 наурыздағы нәтиже бойынша аяқталады», - деп жазды РФО баспасөз қызметі.
Решения Исполкома РФС
— РФС (@rfsruofficial) May 15, 2020
⠀
– Сезон ТИНЬКОФФ РПЛ возобновится 21 июня
– Командам разрешено делать по 5 замен в матче
– Олимп-ФНЛ и Олимп-ПФЛ завершены по состоянию на 17 марта
Бұған дейін бірқатар ресейлік басылым чемпионаттың мерзімінен бұрын аяқталатынын жазған болатын. Бірақ түпкілікті шешім жанкүйерлердің қуанышына орай мүлде басқаша шығып отыр.
Ресей Премьер-лигасында үш қазақстандық ойыншы өнер көрсетеді. Олар - Бактиер Зайнутдинов («Ростов»), Исламбек Қуат («Оренбург») және Акмаль Бахтияров («Сочи»).
Айта кетейік, РПЛ коронавирус пандемиясына байланысты 17 наурызда тоқтатылған болатын.
