Матюиди коронавирус инфекциясын жұқтырды

«Ювентус» тағы бір науқас футболшы туралы жария етті, деп хабарлайды Prosprts.kz.

Жартылай қорғаушы Блез Матюидидің коронавирусқа тапсырған талдамасы оң нәтиже көрсетті.

Франция құрамасы сапында әлем чемпионы атанған футболшы 11 наурыздан бастап вирустық инфекцияның белгілерінсіз үйінде өз еркімен оқшауланған болатын.

Бұған дейін «Ювентус» қорғаушысы Даниэль Руганиде де инфекция анықталған болатын.

Италия - Еуропадағы коронавирустық пандемияның негізгі эпицентрі және әлемде Қытайдан кейінгі екінші орында тұр. Елде 28 мыңға жуық адам коронавирус жұқтырса, 2 мыңнан астам адам қайтыс болды.