Жапониялық футболшы әлем рекордын жаңартты

Жапониялық жартылай қорғаушы Кейсуке Хонда әлем рекордын жаңартты. 33-жастағы ойыншы бес құрлықта да гол соққан алғашқы ойыншы атанды, деп хабарлайды Prosports.kz.

15 наурызда жапониялық футболшы Кариока лигасында Бразилияның «Ботафогосы» сапында «Бангу» қақпасына гол соқты. Хонда өз мансабында Азияда «Нагоя Грампус», Еуропада «Венло», ЦСКА және «Милан», Солтүстік Америкада мексикалық «Пачука» және Аустралияда «Мельбурн Виктория» командаларында ойнап, мергендік танытқан. Хонданың гол соқпаған жері - Африка құрылғы.