Олимпиадаға іріктеу: Қамшыбек Қоңқабаев жартылай финалға неге шықпады?

Қазақстандық боксшы Қамшыбек Қоңқабаев Иордания астанасы Амманда өтіп жатқан Олимпиадаға іріктеу турнирінің жартылай финалына не үшін шығудан бас тартқаны белгілі болды.

Ұлттық құраманың капитаны 91 келіден жоғары салмақта 1/2 финалға өтіп, Олимпиада жолдамасын иемденген болатын. Ол аустралиялық Джастин Ханиге қарсы жартылай финалдық жекпе-жек алдында білегін жарақаттап алғандықтан жарысты жалғастырудан бас тартты.

Айта кетейік, қазіргі уақытта Олимпиада іріктеу турнирінде жеті боксшымыз Олимпиада жолдамасын жеңіп алған.