Левит Олимпиадаға іріктеу турнирінде тәжік боксшысымен жұдырықтасады

Қазақстандық боксшы Василий Левит Амман қаласында (Иордания) өтіп жатқан Олимпиадаға іріктеу турниріндегі алғашқы қарсыласының есімін білді, деп хабарлайды Prosports.kz.

91 келі салмақта турнирдің бірінші нөмірі Левит жарысты ширек финалдан бастайды: ол алдын-ала раундта моңғолдық Эрденебаяр Сандагсуреннен мықты болған тәжік боксшысы Давлат Болтаевқа қарсы шаршы алаңға шығады. Ширек финалдық жекпе-жек 8 наурызда таңертеңгі сессияда өтеді.

Василий Левит - 2016 жылғы Олимпиаданың күміс жүлдегері, Әлем кубогының екі мәрте қола жүлдегері (2017, 2019) және Азияның үш дүркін чемпионы (2009, 2015, 2017).