Бекзат Нұрдәулетов іріктеу турнирін сәтті бастады

Амман қаласында (Иордания) бокстан Токио Олимпиадасына аймақтық іріктеу турнирі өтіп жатыр, деп хабарлайды Prosports.kz.

5 наурызда қазақстандық боксшылардан екінші болып шаршы алаңға шыққан Бекзат Нұрдәулетов (81 келі) еш қиындықсыз жеңіске жетті. 

Жас әлем чемпионы Бекзат алғашқы жекпе-жегінде Жаңа Зеландия өкілі Жером Помпеллонені 5:0 есебімен жеңді.

Бұған дейін Зәкір Сафиуллин (63 келі) ширекфиналға жолдама алған болатын. 

Айта кетейік, бүгін кешкі сессияда 75 келідегі Әбілхан Аманқұл Оңтүстік Корея өкілі Ким Жинжиямен кездеседі.