Чемпиондар Лигасы. «БИІК-Қазығұрт» немістің «Франкфуртіне» төтеп берді

<p style="text-align: justify;"> <strong>Әйелдер футболы арасындағы Қазақстан чемпионы &laquo;БИІК-Қазығұрт&raquo; Чемпиондар лигасының 1/16-финалында немістің &laquo;Франкфурт&raquo; командасымен кездесіп, керемет сенсацияның авторы атанды.</strong></p> <p style="text-align: justify;"> Қазақстан командасы УЕФА Чемпиондар лигасы мен Кубогының үш дүркін жеңімпазы, Германияның бірнеше дүркін чемпионы және Германия кубогының бірнеше дүркін иегері &laquo;Франкфурт&raquo; командасымен 2:2 есебімен тең түсті.</p> <p style="text-align: justify;"> Бірінші таймда командалар бір-бірінің қақпасынан саңылау таба алмағанымен екінші таймда көрермендерді төрт голмен қуантты. Алдымен 56-минутта қазақстандық Гүлнара Габелия есеп ашса, көп ұзамай Вероника Букет есепті теңестіріп үлгерді. Бұдан кейін қонақтар алға шықты. Кездесудің аяқталуына небәрі бес-ақ минут қалған еді. Осылайша ойын соңына жетіп қалған. Жеңіс &laquo;Франкфурттың&raquo; еншісінде кетеді-ау деп болжап қойғандар да аз емес еді. Дегенмен, біздің қыздар соңына дейін тырысты. Нәтижесінде төреші қосқан қосымша уақытта Николета Николевич тура соққысымен таразы басын теңестіре алды. Қорытынды есеп &ndash; 2:2</p> <p style="text-align: justify;"> Енді жауапты ойын 16 қазанда Германияда өтеді.</p> <p style="text-align: justify;"> <strong>Чемпиондар Лигасы.</strong></p> <p style="text-align: justify;"> <strong>&laquo;БИІК-Қазығұрт&raquo; (Қазақстан) -&nbsp;</strong><strong>&laquo;Франкфурт&raquo; (Германия)</strong></p> <p style="text-align: justify;"> <b>Голдар:&nbsp;</b>Гүлнара Габелия (1:0), Вероника Букет (1:1), - (1:2), Николета Николевич (2:2)</p>