Айдос Ербосынұлы желтоқсан айында титулды жекпе-жек өткізуі мүмкін

Қазақстандық боксшы Айдос Ербосынұлы (12-0, 8 КО) желтоқсан айының соңында WBC Asia, WBA Inter-Continental және WBO Global титулын қорғауы мүмкін, деп хабарлайды Prosports.kz сайты.

Жеңіліп көрмеген қазақ боксшысы АҚШ-та, Испанияда және Ресейде мемлекетінің бірінде жұдырықтасады.  

Қазіргі таңда Ербосынұлы Америкада жаттығып жатыр.

Айта кетейік, соңғы жекпе-жегінде Айдос Сиднейде жергілікті боксшы Рокки Джеркичпен (17-1, 13 КО) қолғап түйістіріп, төрешілердің бірыңғай шешімімен жеңіске жетті. Осылайша отандасымыз үш бірдей белбеуін (WBO — WBO Global, WBA International және WBC Asia Continental) қорғап қалды.