«Бавария» Филиппе Коутиньоны жалға алды

«Бавария» ресми түрде «Барселонаның» жартылай қорғаушысы Филиппе Коутиньоны қатарға қосқанын мәлім етті, деп хабарлайды Prosports.kz сайты.

Каталондық клуб «Бавария» ойыншыны бір жылға жалға алғанын хабарлады. Футболшының құны - 8,5 млн еуро. 2019/20 маусымы аяқталғанда немістер Коутиньоны 120 млн еуроға сатып ала алады.

<span>«Барселонаға» дейін Филиппе «Ливерпуль», «Интер», «Эспаньол» және «Васко да Гама» клубтарының намысын қорғаған.</span>