Белгісіз біреулер «Ливерпуль» шабуылшысының үйін тонап, итін ұрлап кетті
Қазақстанның және әлемнің спорт жаңалықтарына жазылыңыз«Ливерпуль» шабуылшысы Дэниэл Старридждің үйін белгісіз біреулер тонап кетті, деп хабарлайды Prosports.kz сайты.
29 жастағы футболшы бәрінен бұрын итінің ұрланып кеткеніне қапалы.
«Лос-Анджелостағы үйіме белгісіз біреулер кіріп, итімді ұрлап кетті. Егер біреу-міреу білер болса, айтыңыздаршы. Итім үшін кез келген соманы төлеуге дайынмын», — деді Старридж өзінің Инстаграм-парақшасында.
Старридж «Ливерпуль» сапына «Челсиден» 2013 жылы ауысып келген болатын. Қызылдар үшін 160 матчқа қатысып, 67 гол соқты.