Кукушкин ATP рейтингіндегі жағдайын жақсартты

Кәсіпқой теннисшілер қауымдастығы (ATP) әлемнің үздік ойыншылар рейтингін жаңартты. Жаңартылған тізімде қазақстандық теннисшілер өз орындарын жақсартты.

Еліміздің бірінші ракеткасы Михаил Кукушкин төрт сатыға жоғарылап, 47-ші орынға жайғасты. Александр Бублик 91-ші орыннан 85-ші орынға көтерілсе, Денис Евсеев екі орынға жоғарылап 306-шы орында тұр.

Александр Недовесов (194) және Дмитрий Попко (352) рейтингте төмендеді. Үздіктер тізімін сербиялық Новак Джокович бастап тұр. Екінші орында Рафаэль Надаль. Ал швейцариялық Роджер Федерер үздік үштікті қорытындылады.