Нұрғиса Әділетұлы әлем чемпионатында бесінші орын алды

Сува (Фиджи) бұл күндері ауыр атлетикадан жасөспірімдер Әлем чемпионатын өткізіп жатыр. Ерлер арасындағы 89 келіге дейінгі салмақ дәредесі бойынша жарыс өз мәресіне жетті деп хабарлайды Olympic.kz.

Мұнда Қазақстан командасын Нұрғиса Әділетұлы таныстырды. Қоссайыс нәтижесінде ол барлығы  335 (155+180) келі көтерді. Бұл көрсеткіш оны бесінші орынға жайғастырды. 

Айта кетерлігі, бұған дейін 81 келіге дейінгі салмақ дәрежесінде Евгений Ломанов медальға бір табан жақындап, төртінші орынды қанағат тұтты.