Ержан Естанов чемпиондық атақ үшін жекпе-жек өткізеді

Қазақстандық аралас жекпе-жек майталманы Ержан Естанов чемпиондық атақ үшін жекпе-жегінде UFC-дің бұрынғы спортшысымен жұдырықтасады.

Еліміздегі танымал аралас жекпе-жек майталманы Ержан «Арлан»Естанов 3-мамыр күні Біріккен Араб Әмірлігінің астанасы Абу-Даби қаласында өтетін UAE Warriors турнирінде сынға түседі. Отандасымыз UFC тұжырымының бұрынғы спортшысы Роланд Диге қарсы жекпе-жек өткізіп, чемпиондық атақты сарапқа салатын болады.

Айта кетейік, Ержан Естанов шаршы алаңда 21 жекпе-жек өткізіп, 15 рет жеңіске жетсе, 6 рет қарсыластарына есе жіберген.