Бүгін үш зілтемірші сайысқа түседі

Бүгін Ашхабад қаласында өтіп жатқан ауыр атлетикадан әлем біріншілігінде үш қазақстандық спортшы жарыс жолына шығады. Әйелдер арасында 64 келіге дейін салмақта В тобында Әсем Садықова мен Карина Горичева сайысқа түседі. 

Әйелдер сайысынан Астана уақытымен 14:55 те Qazsport арнасы тікелей эфирде хабар таратады.

Сондай-ақ, Астана уақытымен сағат 13:00 де 81 келіге дейінгі салмақта ерлер арасында Айдар Казов ел намысын қорғайды.