Азиада-2018: Командалық ойын түрлерінен Қазақстандықтар қандай нәтиже тіркеді

Джакарта мен Палембангта командалық ойын түрлерінен кезекті жарыс күні аяқталды деп жазады<span> Олимпиада комитетінің ресми сайты.</span>

Баскетболдан (5х5)  ерлер командасы қатарынан екі рет жеңіліске ұшырады. Бұл жолы біздің команданы қытайлықтар ойсырата ұтты. Есеп – 66:83. 

Көгалдағы хоккейден Қазақстан әйелдер командасы жарыс қожайыны Индонезияға 2:1 есебімен жол берді. 

Гандболшы қыздар да қатарынан екі рет жеңіліп қалды. Бүгін Оңтүстік Корея құрамасынан 22:34 есебімен ұтылып қалды. 

Тек волейболдан әйелдер командасы жанкүйерін жеңіспен қуантып, Үндістанды 3:0 есебімен жеңді.