Қуат Хамитов: Көрерменсіз жекпе-жек өткізудің еш мәні жоқ
Қазақстанның және әлемнің спорт жаңалықтарына жазылыңызКүні кеше ғана Қуат Хамитов 31 тамызда Астанада аралас жекпе-жектен өтетін турнирде Давид Хачатрянға қарсы жекпе-жек өткізбейтін болды деп жазған болатынбыз.
Кештің басты жекпе-жегі бұрын айтылғандай Қуат Хамитов пен Давид Хачатрян арасында өтпейтін болды. Тіпті, Найманның бұл турнирде жекпе-жек өткізу-өткізбеуі әлі күнге дейін белгісіз болып отыр. «Найман» жағдайдың мән-жайын Prosports.kz тілшісіне айтып берді:
- Әзірге ештеңе нақты емес. Бәрі болуы мүмкін. Меніңше, турнир өтпейтін секілді. Өйткені оның жарнамасымен айналысуға уақыт жеткіліксіз. Жеке маған және менеджеріме бұл турнир жайлы, жекпе-жек туралы ешқандай ұсыныс түскен жоқ. Қазір келісімшартты күтіп отырмыз.
Спортшы келісімшартқа қол қоймай оны жекпе-жекке шықпайды деп есептеу қажет. Менің де жарнамасы жоқ бұл турнирге қатысқым келіп тұрғаны шамалы. Көрермен жоқ залда жекпе-жек өткізудің еш мәні жоқ, - деді Қуат Хамитов.
Айта кетейік, бұған дейін бұл турнирді Tobet Fighting Championship пен Alash Pride FC промоушендері ұйымдастырып жатқанын, ал Fight Nights Global ұйымынан тек спортшылар қатысатынын жазған болатынбыз.