Уәлихан Бисенқұлов Мәскеуде қарсыласын нокаутпен ұтты

Мәскеуде Уәлихан Бисенқұлов пен ресейлік Максим Давыдкин арасындағы жекпе-жек аяқталды, деп хабарлайды prosports.kz сайты.

Бірінші ауыр салмақ дәрежесінде (90,7 келі) өткен кездесу бірінші раундта аяқталды. «Адай» қарсыласының бауырына соққы жасап нокаутқа түсірді.

Осылайша, Уәлихан Бисенқұлов кәсіби бокстағы екінші кездесуін де мерзімінен бұрын аяқтап отыр.

Естеріңізде болса, Уәлиханның алғашқы жекпе-жегі де Ресей жерінде өткен еді. 13 ақпанда өткен кездесуде отандасымыз қырғызстандық боксшы Самада Абдиманулын алғашқы раундта-ақ нокаутпен ұтқан болатын.