Арман Оспанов Мәскеуде Акоп Степанянмен кездеседі

<span>Ресейлік ACB (Absolute Championship Berkut) компаниясы 5 мамырда Мәскеуде өтетін ACB 86 кешінің қатысушыларын жариялады. Қазақстандық Арман Оспанов (8-2) ресейлік Акоп Степанянмен (25-10) кездеседі.<br /></span><br /><span>Арман Оспанов соңғы жекпе-жегін былтыр 23 желтоқсанда тағы бір ресейлік Алексей Полпудниковке қарсы өткізіп, төрешілердің шешімімен жеңілген болатын. <br /></span><br /><span>Арманның қарсыласы Акоп Степанян да соңғы кездесуінде жеңіліске ұшыраған. Ол өткен жылдың қараша айында британдық спортшы Эндрю Фишерге есе жіберген еді.<br /></span><br /><span>Аталған турнирге тағы бір отандасымыз Асылжан Бақытжанұлы да қатыспақшы. «Сак» Польшадан келген Карол Селинскимен кездесуі мүмкін. Егер оны жеңсе Асылжан Батраз Агнаевпен титулдық жекпе-жек өткізуге мүмкіндік алады.</span>