Патрис Эвра АПЛ-ға оралды

«Манчестер Юнайтед» пен «Марсельдің» бұрынғы қорғаушысы Патрис Эвра «Вест Хэмге» ауысты. Бұл туралы клубтың ресми сайты хабарлады.

Француз футболшысы «Вест Хэммен» 2017/18 жылғы маусымның соңына дейін келісімшартқа отырды. Патрис жаңа клубында 27-ші нөмірмен өнер көрсетеді.

Айта кетейік, 2017 жылдың қарашасында Эвра «Марсельдің» жанкүйеріне қол жұмсағаны үшін, клуб келісімшартты бұзған болатын.