Португалиялық «Спортингтің» сұрмергені «Астанаға» қарсы ойынға қатыспауы мүмкін

Португалиялық «Спортингтің» сұрмергені Бас Дост «Астанаға» қарсы ойынға қатыспайды, деп хабарлайды prosports.kz

Португалиялық клубтың жұлдызы «Виторией Гимарайнш» (1:0) командасына қарсы ойында жарақат алды. 33 минутта қарсылас команданың ойыншысымен қақтығысқан Дост 47 минутта алмастыруын сұрап, алаңнан кетті.

Лиссабондықтардың матчтан кейінгі баспасөз жиынында футболшының бел жарақатын алғаны белгілі болды.

Айта кетейік, Еуропа лигасының «Астана» — «Спортинг» теке-тіресінің алғашқы кездесуі Астанада 15 ақпанда өтеді.