Бейбіт Шүменов мансабын қайта бастамақ

Екі салмақ дәрежесінде әлемнің бұрынғы чемпионы Бейбіт Шүменов кәсіпқой мансабын қайта бастамақ.

«Мансабымды неге тоқтатқанымды айтқым келеді. Менеджеріммен қиындықтар болды, ол маған қажетті жекпе-жектерді өткізе алмады. Оған қоса, көзімнің жарақаты да әсер етті. Маған үзіліс қажет еді. Енді жарақатымнан айықтым, мансабымды қайта жалғастырғым келеді. Қазір келесі жекпе-жек туралы келіссөз жүріп жатыр. Нақты ақпарат шыққанда, хабарын береміз», - деді Шүменов Астанадағы баспасөз-мәслихатында.

Естеріңізге сала кетсек, былтыр сәуірде Бейбіт Шүменов кубалық Юниер Дортикоспен жекпе-жекке дайындалып жатып, ауыр жарақат алған болатын. Кейін мансабын аяқтайтынын хабарлады.