Екі түрлі деңгей

Ресейлік ЦСКА Бірегей лига плэй-офф кезеңінің 1/4 финалындағы алғашқы матчта өз алаңында қазақстандық «Астананы» сенімді жеңді — 77:54 (29:9, 18:14, 15:17, 15:14).

Матчтың тағдыры алғашқы 10 минуттықта-ақ шешілді: ресейліктердің жойқын қысымын «Астана» күтпесе керек – қазақстандықтар көп қате жіберді. Оның үстіне, қонақтар Аарон Джексон мен Нандо Де Колоға қарсы тұра алмаы. Ал екінші кезеңнің басында қызыл-көк түстілер 20 ұпайға озып кетті. Ал астаналықтар есеп айырмасын қысқарта алмады. Серияның алғашқы матчында алаң иелері ұтты.

Нәтижелі өнер көрсеткендер:

ЦСКА: Виталий Фридзон (18), Нандо Де Коло (13+5), Кори Хиггинс (11), Аарон Джексон (10)

«Астана»: Усман Крубалли (15+10), Димитриос Катсивелис (14+6 +5)