Андрей Толмач: «Нетоға қолдау көрсетеміз»

«Столица» футзал клубының бас бапкері «Қайратпен» өткен матч жайлы айтып берді. 

- Қарсыласымыздың бізден мықты екенін жақсы білдік, соған қарамастан бұл ойынға тыңғылықты дайындалдық. Гол соғатын мүмкіндіктеріміз болған, бірақ «Қайрат» қорғаныста жақсы ойнады. Нетоға қолдау акциясы туралы айтатын болсақ, бұл екі жақтың ниеті. Оның тезірек айығып кетуіне тілектеспіз, - деді «Столицаның» бас бапкері.

Естеріңізге сала кетсек, футзалдан Еременко кубогының А тобында «Қайрат» «Столицаны» 4:0 есебімен ұтты.