Алматылықтар қала әкімімен бірге алғашқы велошеруге қатысты

<p style="text-align: justify;"> <strong>Бүгін велоспортты жаны сүйетін алматылықтар таңмен таласа тұрып, велосипедпен серуендеу үшін сағат жетіде Нұрлы Тау маңына жиналды. Велосеруенге 1 мыңнан аса алматылық қатысты.</strong></p> <p style="text-align: justify;"> BNews.kz ақпараттық порталының мәлімдеуінше, велошеруден қала әкімі Бауыржан Байбек пен дене шынықтыру және спорт басқармасының басшысы Наиль Нұров та қалыс қалмады.</p> <p style="text-align: justify;"> &laquo;Саламатты өмір салтын ұстанатын жандардың көптігіне қуанып отырмын. Біздің қатарымыз күн санап толыға береді деген үміттемін&raquo;, - деді әкім.</p> <p style="text-align: justify;"> Шаһар басшысын Наиль Нұров та қолдады.</p> <p style="text-align: justify;"> &laquo;Қаламыздың әкімі Бауыржан Байбек алматылықтардың дені велосипедке көшкенін қатты қалайды. Сол себепті біз әр демалыс сайын 30-40 минуттан велосеруен ұйымдастырып отыруды ұйғардық. Маршрут өзгеріп отырады, алайда басталуы мен уақыты сол күйі қалады&raquo;, - деп атап өтті Н.Нұров.</p> <p style="text-align: justify;"> Естеріңізге салып өтсек, Нұрлы Тау бизнес орталығының алдынан басталатын велосеруен әр жексенбі таңғы сағат 8:30-да өткізіліп тұрады. Бүгін велосипед тізгіндеген кәрі-жас мәре сызығын Ташкент көшесіндегі Прайм Плаза маңында кесті.</p> <div> &nbsp;</div>