«Қайрат» Еременко Кубогын екінші рет ұтты

<p> <strong>Кіші футболдың үлкен додасын сағынған алматылық жанкүйерлер </strong><strong>&laquo;Қайрат&raquo; пен &laquo;Тюмень&raquo;</strong><strong>-</strong><strong>нің кездесуіне көптеп келді. Ресейліктер топтық кезеңдегі жеңілісі үшін есе қайтарғысы келсе, &laquo;Қайрат&raquo; бәсі жоғары бәсекені екінші рет ұтуға ұмтылған.</strong></p> <p> Лео, Игор, Диваней мен Дрот негізгі құрамда шықты. Қақпада, әдеттегідей, тас-қамал Игита. Алғашқы минуттардан қарқынын үдеткен Какау шәкірттері үшінші минутта есепті ашты. Голды атына жазған &ndash; Игор. Артынша он минут бойы бір сарынды тартыс өрбіген. Шабуылға тұтқиылдан қосылудың хас шебері Игита 14-ші минутта әріптесінен пас алған бетте жойқын соққы жасады, қаңғыған допты Жаманқұлов қақпаға бұрды &ndash; 2:0. Бір күн бұрын өткен баспасөз маслихатында &laquo;Қайраттың&raquo; жаттықтырушысы &laquo;Тюмень&raquo; сабындағы 12-ші нөмірлі Андрей Батыревтен қауіптенетінін айтқан. Бұл жігітке персоналды түрде дайындалған болса керек, &laquo;қызылдардың&raquo; қорғаушылары оны &laquo;тырп&raquo; еткізбеді. Осылайша, бірінші тайм &laquo;Қайраттың&raquo; басымдығымен өтті.</p> <p> Жеңістің ауылы ұзап бара жатқанын сезген ресейліктер екінші таймға шыға салысымен &laquo;Қайраттың&raquo; қақпасына төнді. Игита допқа ие болса оны алысырақ шығаруға тырысты, себебі қорғаныста қателік жіберуге болмайды. Дегенмен, &laquo;Тюменнің&raquo; босаңсығанын сезгенде алматылықтар шабуыл шепке ойысуды жөн деп шешті. &laquo;Әмбебап&raquo; Игита ақырғы кезеңнің 11-ші минутында Эвертонмен пас алмасқан соң допты құлаштап теуіп тоғыздықты дәл көздеді. Аксентиевич &ndash; дәрменсіз... Арада жеті минут өткенде қарсыластар сабынан Антошкин бір доп қайтарған &ndash; 3:1. Арада бір минут өтпей жатып, Диваней командасын тағы да алға шығарды. &laquo;Екі мәрте Еременко Кубогының жеңімпазы&raquo; атағынан &laquo;Қайратты&raquo; бес минут бөліп тұрды. &laquo;Тюмень&raquo; тайлы тұяғымен шабуылдап бесінші ойыншыны алаңға шығарды. Ол да көмектесе алмады бұл күні. Соңғы ысқырық - &laquo;Қайрат&raquo; чемпион!</p> <p> <strong>Еременко кубогы</strong></p> <p> <strong>Финал</strong></p> <p> <strong>&laquo;Қайрат&raquo; (Қазақстан) &ndash; &laquo;Тюмень&raquo; (Ресей) </strong><strong>4</strong><strong>:</strong><strong>1 </strong><strong>(</strong><strong>2</strong><strong>:0)</strong></p> <p> <strong>&laquo;Қайрат&raquo;:&nbsp;</strong>Игита, Игор, Лео, Диваней, Сүлейменов, Дрот, Диваней, Нұрғожин, Гуров, Ронкальо, Эвертон, Есенаманов, Жаманқұлов, Першин.</p> <p> <strong>&laquo;Тюмень&raquo;:</strong>&nbsp;Аксентиевич, Неведров, Милованов, Батырев, Абрамович, Логинов, Антошкин, Соколов, Лобков, Исламов, Курбатов, Асланян, Абышев, Упалев.</p>