«Синара» «Астана-Тұлпардың» тас-талқанын шығарып, қола жүлдеге ие болды

<p style="text-align: justify;"> <strong>Еременко Кубогының қола жүлдесі үшін жарыстың соңғы күні елордалық &laquo;Астана-Тұлпар&raquo; мен ресейлік &laquo;Синара&raquo; командалары күш сынасты.&nbsp;</strong></p> <p style="text-align: justify;"> Матч бастала салысымен ресейлік ұжым шабуылға лап қойды. &laquo;Астана-Тұлпар&raquo; ойыншыларын өз қақпаларының маңына тықсыра ойнап, бір-екі мәрте --- мазасын алды. 5 минут өтпей жатып командаласынан пас алған Герасимов бос қақпаны дәл көздеп, таблодағы есепті ашты. 9-шы минутта алаңнан оң бұрышынан шабуылға араласқан 7-ші нөмірлі ойыншы екі қорғаушының арасынан соққы жасап, командасының екінші голын соқты. Арада екі минут өтісімен &laquo;Синара&raquo; ойыншылары есепті 3:0-ге жеткізді. Бұрыштама добынан кейін Чистполов жойқын соққы жасап, қақпаның алыс бұрышын дәл көздеді. Матч аяқталуға 4 минут қалғанда &laquo;Синара&raquo; ойыншысы Павел Чистополов дубль авторы атанды. Алайда көзді ашып-жұмағанша Черномордов &laquo;Астана-Тұлпардың&raquo; алғашқы голын соқты. Бірер минут өтісімен ресейлік футзалшы Денис Аширов қорғаныстағы қателікті пайдаланып, қақпагы Ренаннан айласын асырып кетті.</p> <p style="text-align: justify;"> Екінші таймның басталғанына бір минут өтпей жатып, ресейлік ұжым есепті 6:1-ге жеткізді. Әміржан Мұқанов ойын әдісін өзгертіп, алаңға қақпашының орнына бесінші ойыншыны шығарды. Алайда шабуылға сәтсіз шыққан &laquo;тұлпарлықтардың&raquo; қателігенен кейін Сергей Загузов бос қақпаны дәл көздеді. Араға екі минут салып Павел Таку есеп айырмасын қысқарта алды. &laquo;Астана-Тұлпардың&raquo; қақпашының орнына ойыншы шығарып өнер көрсетуі ешқандай да пайдасын тигізе қойған жоқ. Екінші таймның басым бөлігін шабуылда өткізгенмен, Әміржан Мұқановтың шәкірттері жағдайды оңалта алмады. 42-минутта Арнольд Кнауб қақпаға соққы бағыттап бағын сынап көрмек болған, алайда қақпашы қайтарған допты Александр Иванов қақпаға дәл бағыттай алды. Дегенмен де, &laquo;Астана-Тұлпар&raquo; ойыншылары жауап қайтара білді. Павел Таку қақпашымен жеке шығып, Викуловтан айласы асырып кетті. Матч аяқталуға екі минут қалғанда &laquo;Синара&raquo; ойыншысы Денис Аширов бұл матчтағы өзінің үшінші голын соғып, хет-трик авторы атанды.&nbsp;</p> <p style="text-align: justify;"> <strong>Еременко Кубогы. 3-ші орын үшін матч </strong></p> <p style="text-align: justify;"> <strong>&laquo;Астана-Тұлпар&raquo; (Қазақстан) - &laquo;Синара&raquo; (Ресей) 3:10</strong></p> <p style="text-align: justify;"> <strong>Голдар:</strong> Герасимов &ndash; 0:1, Аширов &ndash; 0:2, Чистополов &ndash; 0:3, Чистополов &ndash; 0:4, Черномордов &ndash; 1:4, Аширов &ndash; 1:5, - 1:6, Загузов &ndash; 1:7, Таку &ndash; 2:7, Иванов &ndash; 2:8, Таку &ndash; 3:8, Аширов - 3:9, иванов - 3:10</p> <p style="text-align: justify;"> <strong>&laquo;Астана-Тұлпар&raquo;:</strong> Ренан, Перемышлин - Мун, Пенгрин, Довгань, Кнауб, Витор Уго, Рожер, Гребонос, Кукумбаев, Таку, Черномордов, Довгань</p> <p style="text-align: justify;"> <strong>&laquo;Синара&raquo;:</strong> Калмахелидзе, Викулов - Сорокин, Аширов, Фахрутдинов, Герасимов, Мохов, Иванов, Бастриков, Загузов, Чистополов</p> <p> &nbsp;</p>