«Қайрат» жартылай финалда «Синарамен» кездеседі

<p style="text-align: justify;"> <strong>Балуан Шолақ атындағы спорт кешенінде өтіп жатқан Еременко кубогының А тобындағы соңғы кездесуінде &laquo;Синара&raquo; мен &laquo;Никарс&raquo; жартылай финалға берілер жолдамаға таласты. </strong></p> <p style="text-align: justify;"> Бұл топта &laquo;Астана-Тұлпар&raquo; аталмыш қос клубты да қапы қалдырып, бірінші орынмен жартылай финалға өткен. Енді &laquo;Синара&raquo; мен &laquo;Никарс&raquo; өзара екінші орын иегерін анықтап, қай жеңгені жартылай финалда &laquo;Қайратпен&raquo; күш сынасуы керек болатын. Ресейлік және латвиялық командалар кездескендіктен бе, трибунада жанкүйерлердің саны санаулы ғана болды.</p> <p style="text-align: justify;"> Бірінші минуттан Еременко кубогының қазіргі иегерлері шабуылға ұмтылды. Дегенмен, ресейліктердің қарқынына &laquo;Никарс&raquo; ойыншылары тоқтау қойып тұрды. Алғашқы бес минуттықта командалар қақпаға көп соққы жасай қойған жоқ. Алайда 5-минутта Павел Чистополов әріптесінен тамаша пас алып, Антон Астраханцев қақпасынан саңлау тапты. Араға екі минут салып, &laquo;Синара&raquo; есептегі басымдығын ұзартты. Никита Фахрутдинов қанжығасын майлады &ndash; 2:0.&nbsp; Қос минутта екі гол жіберіп алған латвиялықтар есеңгіреп қалды. 10-минутта Оскар Икстенстің пасынан кейінг Максим Сень есеп айырмасын қысқартты. Ал араға үш минут салып Фахрутдинов дубль авторы атанды &ndash; 3:1. 20-минутта Евгений Давлетшин шәкірттері төртінші голдарын салды. Команда капитаны Алексей Мохов &laquo;Никарс&raquo; қақпасының алыс &laquo;тоғыздығын&raquo; дәл көздеді. &nbsp;</p> <p style="text-align: justify;"> Үзіліске дейін айқын басымдыққа ие болған &laquo;Синара&raquo; ойыншылары екінші таймда қорғаныста сақ ойнап, қарсыласты қарымта шабуылды ұстап алуға тырысты. Нәтижесінде 27-минутта Фахрутдиновтың пасын Максим Герасимов голға айналдыра алды &ndash; 5:1. &nbsp;Осы голдан кейін ойын тағдырын шешіп тастадық деді ме, ресейліктер шабуылға белсенді ұмтылған жоқ. &laquo;Никарс&raquo; ойыншыларының шабуылдағы қарқынына қақпашы Момчилович пен қорғаушылар тосқауыл қоя білді. Сондықтан жанкүйерлер ұзақ уақыт бойы гол көре алмады. Тек кездесудің аяқталуына 1 минут қалғанда Вассура латвиялықтардың екінші голын соқты. Бұған жауап ретінде Максим Герасимов &laquo;Синараның&raquo; матчтағы алтыншы, өзінің екінші добын салды.</p> <p style="text-align: justify;"> Осылайша, екатеринборлық &laquo;Синара&raquo; А тобында екінші орын алып, жартылай финалға шықты. Ресейліктер финалға берілер жолдаманы алматылық &laquo;Қайратпен&raquo; сарапқа салатын болады.</p> <p style="text-align: justify;"> <strong>Еременко кубогы </strong></p> <p style="text-align: justify;"> <strong>&nbsp;А тобы</strong></p> <p style="text-align: justify;"> <strong>&laquo;Синара&raquo; (Ресей) &ndash; &laquo;Никарс&raquo; (Латвия) 6:2 (4:1)</strong></p> <p style="text-align: justify;"> <strong>Голдар: </strong>1:0 &ndash; Чистополов 5, 2:0 &ndash; Фахрутдинов 7, 2:1 &ndash; Сень 10, 3:1 &ndash; Фахрутдинов 13, 4:1 &ndash; Мохов 20, 5:1 &ndash; Герасимов 27, 5:2 &ndash; Вассура 49, 6:2 &ndash; Герасимов 50</p> <p style="text-align: justify;"> <strong>&laquo;Синара&raquo;: </strong>Калмахелидзе (қ), Сорокин, Аширов, Фахрутдинов, Герасимов, Викулов (қ), Мохов (к), Иванов, Бастриков, Чистополов, Загузов</p> <p style="text-align: justify;"> <strong>&laquo;Никарс&raquo;: </strong>Момчилович (қ), Астраханцев (қ), Пастарс, Алексеев (к), Сень, Фумаса, Диаквнишвили, Аванесов, Колесников, Бабрис, Забаровский, Архипов-Прокофьев, Вассура, Икстенс</p> <p style="text-align: justify;"> <strong>Ескерту: </strong>Иванов 26 &ndash; Диаквнишвили 29</p>