«Металлург» бас бапкері Виктор Александровпен қоштасты

«Металлург» командасының жаттықтырушылар құрамында өзгеріс болды. Командадан бас бапкер Виктор Александров пен оның көмекшісі Федор Полищук кетті, деп хабарлайды Prosports.kz.

Александров 2026/27 жылғы маусым басталар алдында ЖХЛ клубын басқарды. Бас бапкер болып тағайындалғанға дейін ол екі жыл бойы команданың жаттықтырушылар штабында жұмыс істеді.

Полищук «Металлург» сапына 2026 жылдың жазында қосылып, шабуылшылармен жұмыс істеді. Негізгі командаға ауысқанға дейін маман екі маусым бойы МХЛ-дағы «Кузнецкие Медведи» командасын жаттықтырды.

Екі маман да Өскеменде дүниеге келген және жергілікті хоккей мектебінің түлегі. Ойыншы ретінде Александров пен Полищук Қазақстан құрамасында өнер көрсеткен.

Виктор Александров – Қазақстанның аты аңызға айналған хоккейшісі Борис Александровтың ұлы. Борис Александров Олимпиада чемпионы атанып, әр жылдары Қазақстан ұлттық құрамасын басқарған.

12 матчтан кейін «Металлург» ЖХЛ турнир кестесінде 15 ұпаймен сегізінші орында тұр. Новокузнецк командасы соңғы екі ойында «Дизель» мен «Кристаллды» бірдей 2:0 есебімен жеңді.

«Металлург» келесі кездесуін 11 қазанда «Олимпияға» қарсы өткізеді.