«Спартак» хоккейшілері «Барыс» алдында бапкерлерсіз жиналыс өткізген

Мәскеулік «Спартак» шабуылшысы Сергей Лукьянцев «Барысқа» қарсы ойын алдында хоккейшілердің бапкерлер штабының қатысуынсыз командалық жиналыс өткізгенін айтты, деп хабарлайды Prosports.kz.

Мәскеуде өткен кездесу Қазақстандық клубтың буллиттер сериясындағы 4:3 есебімен жеңісімен аяқталды. Осылайша, «Спартак» ҚХЛ тұрақты чемпионатында қатарынан алтыншы рет жеңіліс тапты.

Лукьянцевтің айтуынша, матч алдында хоккейшілер маңызды әңгіме өткізіп, әр ойыншы өз пікірін білдірген. Осыдан кейін команда алаңдағы жағдайды өзгертуге тырысқанымен, жеңіске жете алмады.

«Біз маңызды әңгіме өткіздік. Мұз айдынына шығып, қолымыздан келгеннің бәрін жасадық, бірақ бұл жеткіліксіз болды. Буллиттер – лотерея. Командадағы әр ойыншы өз ойын айтты, біз барлығының пікірін тыңдап, қабылдадық. Осындай әңгімеден кейін шынымен де жеңуіміз керек еді», – деп Лукьянцевтің сөзін ТАСС келтіреді.