«Барыс» Шығыс конференциясында төртінші орынға жайғасты

ҚХЛ тұрақты чемпионаттағы матчтардың қорытындысы бойынша командалардың жаңартылған турнирлік кестесін ұсынды, деп хабарлайды Prosports.kz.

Астаналық «Барыс» 12 ойыннан кейін 14 ұпай жинап, төртінші орында тұр.

Бұған дейін қазақстандық клуб сырт алаңда мәскеулік «Спартакпен» кездесті. Матч барысында «Барыс» негізгі уақытта қарсыласынан жеңіліп жатқанымен, ойын барысын өзгертіп, кездесуді овертаймға жеткізді.

Қосымша бес минутта да жеңімпаз анықталмады. Осыдан кейін командалар жеңімпазды буллиттер сериясында анықтады. Шешуші соққыны «Барыстың» америкалық шабуылшысы Гарретт Пилон орындап, командасына 4:3 есебімен жеңіс сыйлады.

Осы нәтижеден кейін «Барыс» ұпай қорын толықтырып, Шығыс конференциясының турнирлік кестесінде жоғарғы орындардағы позициясын сақтап қалды.