«Барыс» «Нефтехимикке» қарсы ойында шабуылшысынан айырылуы мүмкін

«Барыс» шабуылшысы Кирилл Ляпунов «Нефтехимикке» қарсы матчты өткізіп алуы мүмкін, деп хабарлайды Prosports.kz.

Астаналық «Барыстың» форварды Кирилл Ляпунов ҚХЛ тұрақты чемпионаты аясында Нижнекамскінің «Нефтехимик» командасына қарсы алдағы кездесуге қатыспауы мүмкін. Бұл туралы қазақстандық клубтың баспасөз қызметі хабарлады.

21 жастағы шабуылшы бұған дейінгі «Ак Барсқа» қарсы ойында жарақат алған. Хоккейшінің қашан қатарға қосылатыны әзірге белгісіз.

Ляпунов осы маусымда «Барыс» сапында 10 матч өткізіп, бес ұпай жинады (1+4).