Люк Джонсон Ресейдегі сүйікті тағамдарын атад

Магнитогорскінің «Металлург» командасында өнер көрсететін америкалық шабуылшы Люк Джонсон ҚХЛ мен Ресей туралы пікірін білдірді, деп хабарлайды Prosports.kz.

«Ресей – тамаша ел. Мұнда хоккей де жоғары деңгейде, сондықтан осында өткізген әр күнімнен ләззат алып жүрмін. Маған борщ пен пельмень қатты ұнайды. Екеуі сүйікті тағамдарым десем болады. Өте дәмді», – деді шабуылшы.

Жаңа маусымда Джонсон бес матч өткізіп, 3 (1+2) ұпай жинады.

Ол ҚХЛ-да «Металлург» сапында 216 ойын өткізіп, 83 (41+42) ұпай еншіледі.

Айта кетейік, Магнитогорск командасының құрамында «Барыстың» бұрынғы көшбасшылары шабуылшы Никита Михайлис пен қорғаушы Валерий Орехов та өнер көрсетеді.