«Барысқа» керек болмаған хоккейші Ресейде сәтті өнер көрсетуде

Қазақстандық қорғаушы Тамирлан Гайтамиров ВХЛ тұрақты чемпионатының матчында нәтижелі әрекетімен көзге түсті, деп хабарлайды Prosports.kz.

«Калуга» сырт алаңда Түменнің «Рубин» командасымен кездесіп, 3:0 есебімен сенімді жеңіске жетті.

Калугалықтардың бір голы 26 жастағы Гайтамировтың қатысуымен соғылды. Қазақстандық қорғаушы нәтижелі пас беріп, командасының есеп ашуына үлес қосты. Бұл  Гайтамировтың ВХЛ-дағы осы маусымдағы алғашқы нәтижелі ұпайы.

Тамирлан Гайтамиров — Астана хоккей мектебінің түлегі. Маусымаралық кезеңде қорғаушы «Барыстан» кеткеннен кейін мансабын Ресейдің ВХЛ чемпионатында жалғастырып, «Калуга» клубына қосылған.