«Тобыл» бас бапкерімен қоштасуы мүмкін
Қостанайлық «Тобылда» кезекті кадрлық өзгерістер пісіп-жетіліп тұр. Бар ақпаратқа сәйкес, егер команда келесі турда «Атырауды» жеңе алмаса, клуб бас бапкерін ауыстыруы әбден мүмкін, деп хабарлайды Prosports.kz сайты Sports24.kz-ке сілтеме жасап.
Бұл қызметке басты үміткерлердің бірі ретінде Милич Чурчичтің есімі аталып отыр. Сербиялық маман «Тобылды» 1 маусымнан бастап тізгіндеуі мүмкін. Сонымен қатар, Азат Нұрғалиевтің «Қызылжардың» бас бапкері міндетін атқарушысы болуы ықтимал. Үміткерлер тізімінде Самат Смақов пен Қайрат Нұрдәулетов те бар.
Айта кетейік, қостанайлықтардың қазіргі бас бапкері Мирослав Ромащенко бұл қызметке биылғы 22 сәуірде тағайындалған еді. Сол уақыттан бері команда бес ойын өткізді: жаңа бапкердің дебюттік матчында «Каспийді» жеңгенімен, одан кейін қатарынан төрт рет жеңіліске ұшырады.
Чурчичтің мүмкін болатын қайта оралуы «Тобыл» үшін тосын жаңалық емес. Серб маманы қостанайлық клубта 2023 пен 2024 жылдар аралығында жұмыс істеген. Осы кезеңде команда Қазақстан Кубогы мен Қазақстан Суперкубогын жеңіп алған.
Айта кетсек, қазіргі таңда «Тобыл» Қазақстан Премьер-Лигасында соңғы орында тұр, доп айырмасы -10, 11 матчта бар болғаны 2 жеңіске қол жеткізген.
«Ақтөбе» футболшылары атышулы сектордың сынына қалды (видео)