Гвардиола «Манчестер Ситиді» жаттықтыратын болды

<div style="text-align: justify;"> <strong>Танымал жаттықтырушы Хосеп Гвардиола Еуропадағы 2015-2016 жылғы футбол маусымы аяқталған соң Англияның &laquo;Манчестер Сити&raquo; клубын жаттықтыратын болды.</strong></div> <div style="text-align: justify;"> Бейресми ақпарат құралдарына сүйенсек, клуб пен жаттықтырушы үшжылдық келісімшарт бойынша жұмыс жасайды. Ал қазіргі клубтың жаттықтырушысы Мануэль Пеллегрини болса бұл ақпаратты бір ай бұрын естіген екен. Бүгінде оның командасы премьер-лигада ХХІІІ турдан кейін 44 ұпаймен екінші орында келеді.</div> <div style="text-align: justify;"> &nbsp;</div> <div style="text-align: justify;"> Хосеп Гвардиола да бүгінде жұмыссыз жүрген жоқ. Мюнхендік &laquo;Баварияны&raquo; жаттықтырып келеді. Алайда неміс ұжымы мен испан маманы маусым соңынан кейін әріптестік қызметтерін жалғастыруды қаламаған. Ендігі маусымнан бастап мюнхендік клубты Карло Анчелотти жаттықтыратын болады.</div> <div style="text-align: justify;"> &nbsp;</div> <div style="text-align: justify;"> Испан жаттықтырушысы манчестерлік клубқа қандай ойыншылардың керек екені туралы құлаққағыс жасап үлгерген де көрінеді. Ол &laquo;Манчестер Ситиге&raquo; Тьяго Алькантара мен Леруа Саненің ауысқанын қалап отыр. Сондай-ақ, Хосеп Гвардиола келген соң клубтан Яя Туре, Гаэль Клиши, Вильфред Бони, Александр Коларов, Хесус Навас, Фернандо, Самир Насри сынды ойыншылар кетуі мүмкін, деп жазады massaget.kz.</div>