GamerLegion командасы Virtus.pro ұжымын жеңіп, IEM Cologne 2025 турнирінің топтық кезеңіне жолдама алды

GamerLegion командасы CS2-ден IEM Cologne 2025 турнирінің Play-In кезеңінде Virtus.pro ұжымын жеңді, деп хабарлайды Prosports.kz.

Кездесу 2:0 есебімен аяқталды — Dust2-та 13:8, ал Ancient-те 13:11. Эрик «ztr» Густафссон бастаған команда келесі кезеңге жолдама алды.

Денис «electroNic» Шарипов өнер көрсететін Virtus.pro командасы өнерін турнирдің төменгі сеткасында жалғастырады. Келесі матч 25 шілдеде сағат 19:30-да өтеді — қарсыласы Heroic пен MIBR арасындағы ойында анықталады.

IEM Cologne 2025 турнирі 23 шілде мен 3 тамыз аралығында Кёльн қаласында өтіп жатыр. Жарысқа 24 команда қатысып, 1 миллион доллар көлеміндегі жүлде қорын сарапқа салады.