Мерзімінен бұрын жазылар GG жазуы Dota 2 қауымдастығында дау туғызды
Бұрынғы кәсіби ойыншы әрі сарапшы Халед Эль-Хаббаш Dota 2 турнирлерінде матчты мерзімінен бұрын аяқтау ережесін өзгертуге шақырды, деп хабарлайды Prosports.kz.
Танымал sQreen лақапатымен белгілі сарапшы DreamLeague Season 29 турниріндегі Xtreme Gaming пен Nigma Galaxy арасындағы матчтан кейін пікір білдірді. Кездесудің алғашқы картасында қытайлық команданың ойыншысы Ван Чуньюй 32-минутта GG жазып, команда матчты ерте аяқтаған.
Сол сәтте Xtreme Gaming шамамен тоғыз мың алтынға қалып келе жатқанымен, команда бірде-бір үшінші деңгейлі мұнарасынан айырылмаған еді. Сонымен қатар, ойыншылар арасындағы өлтіру есебі де аса үлкен айырмашылық көрсетпеген.( 17:19)
Халед Эль-Хаббаш мұндай жағдайлардың кәсіби ойын алаңы үшін дұрыс емес екенін айтты.
«Егер жоғары деңгейдегі Dota 2-де осылай ерте GG жазуға рұқсат етілсе және ешкім сұрақ қоймаса, онда ойынның жағдайы өте нашар деген сөз. Valve немесе турнир ұйымдастырушылары ережені өзгертіп, кем дегенде екі тарап берілмейінше GG жазуға тыйым салуы керек» деді сарапшы.
Айта кетелік, ол сондай-ақ Valve компаниясының қарапайым матчтарда капитуляция функциясын қоспауын еске салып, кез келген ойында камбэк жасау мүмкіндігі бар деп есептейтінін атап өтті.